Rusiye mahkemesi Aqyarlı ana ve qızını devlet hainliginde qabaatlap, 12 yılğa apiske aldı. Bu aqta şeerniñ Rusiye kontrolindeki prokuraturası bildire.
Qayd etilgenine köre, figurantlar Rusiye arbiy obyektlerini fotoğa çeke ve Ukrayina tarafına yollay ediler.
"2023 senesi ilk küz ayında qızı, anasınıñ yapqan RF Silâlı quvetleri obyektleriniñ fotolarını Ukrayina Mudafaa nazirliginiñ Baş istihbarat idaresiniñ kontrolindeki kanalğa yollağan", — dep aytıla haberde.
Qadınlarnı umumiy rejimli tüzetüv koloniyasında cezalaycaqlar.
"KrımSOS" uquq qoruyıcı teşkilâtınıñ malümatına köre, 2024 senesi eñ az 56 qırımlı Rusiye akimiyeti tarafından taqip etilgen edi. Cinaiy davalar içün sebepler olaraq Rusiye Federatsiyasında yasaq etilgen teşkilâtlarnen alâqalar, devlet hainligi, casuslıq, açıq beyanatlar, diverssiya teşkil etüv ya da zorbalıqqa çağıruvlar şeklinde qabaatlavlar qullanıldı.