"Hizb ut-Tahrir davası"nıñ "Üçünci Canköy gruppası"nıñ figurantı Enver Halilayevge köbek quyuldığına ameliyat kerek. Lâkin taqiqat devam etkenine qadar oña yardım bermeyler, dep bildire "Qırım birdemligi".
"Qırım birdemliginiñ" subetdeşiniñ aytqanına köre, mahkeme tahqiqatı devam etkenine qadar Halilayevge ameliyat yapıp olamaylar. Şimdi erkek Rostov-na-Donu SİZO-sında buluna. Qırımtatarnıñ bildirgenine köre, onı endi Rusiye Federatsiyasınıñ Rostov vilâyeti boyunca cinaiy işlerniñ taqiqatı idaresiniñ tibbiy bölüginiñ hadimleri ziyaret etti. Olarnen beraber ameliyatnı planlaştırğan", — denile beyanatta.
Halilayevniñ eşitme qabiliyeti de fenalaştı, baş ağrısı raatsızlay.
"Enver Halilayevni vaziyetini ağırlaştırğan bir sıra hastalıqları bar bunıñ aqqında oraq ayınıñ başında oña tayin etilgen advokat bildirdi. O, mabüsniñ otit, yürek-damar hastalıqları, köbek quyuldığı ve diger hastalıqlardan azap çekenini qayd ete edi. Aq qoruyıcılarnıñ aytqanlarına baqmadan, mahkeme taqiqat tedbirini uzattı ve Halilayevni eñ az orta küz ayınıñ 13-ne qadar apiste qaldırdı", — dep yaza aq qoruyıcılar.
Saban ayınıñ 5-nde saba Qırımda qırımtatarlarnıñ evlerinde kütleviy tintüvler keçirildi. Bağçasarayda taqiqat tedbirleri "Qırım birdemliginiñ" faallerinde, Canköy rayonında ise diniy erbaplarda keçirildi. Umumen 10 qırımtatarınıñ evinde tintüvler keçirildi. Olarnı "terror teşkilâtında" iştirak etüvde qabaatladılar.
