Arman ayınıñ 6-na keçken gecesi Rusiye arbiyleri Rusiyeniñ eki yönelişinden ve işğal etilgen Qırımnıñ Çauda burnundan Ukrayina toprağına 45 "Şahed" tipindeki ücüm uçaqları ve farqlı tipte uçaqsuz uçucılarnen ücüm etti, dep haber ete Ukrayina Arbiy ava quvetleri.
"Saat 9-daki malümatqa köre, ava mudafaası tarafından memleketniñ şimalinde, cenübinde ve şarqında "Şahed" çeşitindeki 36 duşman dronu ve farqlı tipte olğan dron-imitatorları urulğan ya da yoq etilgen. Üç yerde doquz dronnıñ urulğanı qayd etildi, bir yerde de urulıp tüşürilgen cihazlarnıñ parçaları", — ukrayin arbiyleri.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturasına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
